Bakı. Trend:
2022-ci ilin yanvar-sentyabr aylarında Azərbaycanda “Apple Pay” ödәniş hәlli vasitәsilә aparılan ödәnişlәrin hәcmi 390 milyon manat təşkil edib.
Trend bu gün "Vergilər" onlayn qəzetinə istinadən xəbər verir ki, bunu Azərbaycan Mərkəzi Bankının Ödəniş sistemləri və hesablaşmalar departamentinin direktoru Kəmalə Qurbanova deyib.
Onun sözlərinə görə, hesaba dövründə həmin sistem vasitəsilə aparılan ödәnişlәrin sayı 13 milyon olub.
"Bu ödəniş həlli ilə əməliyyatların say və həcm göstəriciləri qısa müddətdə sürətlə artır. Bu ilin sentyabr ayındakı “Apple Pay” ödәnişlərinin sayı və həcmi yanvar ayının analoji göstəricilərini müvafiq olaraq 3 və 2,8 dəfə üstələyib", - deyə o bildirib.
Qeyd edək ki, "Apple Pay" sistemi Azərbaycanda 2021-ci ilin noyabrında işə salınıb.