...

Azərbaycanda kiçik və orta biznesin inkişafı prioritet məsələdir - Mikayıl Cabbarov

İqtisadiyyat Materials 1 Dekabr 2022 11:27 (UTC +04:00)
Azərbaycanda kiçik və orta biznesin inkişafı prioritet məsələdir - Mikayıl Cabbarov

Trend-i buradan izləyin

Sədrəddin Ağcayev
Sədrəddin Ağcayev
Bütün xəbərlər

Bakı. Trend:

Azərbaycanda kiçik və orta biznesin (KOB) inkişafı prioritet məsələdir.

Trend-in məlumatına görə, bunu iqtisadiyyat naziri Mikayıl Cabbarov "KOS imkanlarının genişləndirilməsi, iqtisadiyyatın şaxələndirilməsi və yaşıl artım" mövzusunda beynəlxalq tədbirin açılış mərasimində çıxışı zamanı deyib.

"Qlobal iqtisadi çağırışlar fonunda güclü biznes sektorunun yaradılması ölkənin gələcək inkişafına töhfə verir. Onu da qeyd etmək istəyirəm ki, enerji daşıyıcılarının yüksək qiymətləri ölkəyə valyuta cəlb etməyə və makroiqtisadi göstəriciləri gücləndirməyə kömək edir", - deyə nazir bildirib.

M.Cabbarov qeyd edib ki, biznesin inkişafının əsas mexanizmləri sahibkarlığa dövlət dəstəyi, stimullaşdırıcı və güzəştli kreditlərdir.

“Bundan başqa, biz biznes hesabatlarının verilməsi prosedurlarını sadələşdirmişik. Ölkəmiz “Doing Business” sahəsində yüksək göstəricilərə nail olub”, - deyə nazir bildirib.

Nazir bildirib ki, 2021-ci ildə KOB subyektləri tərəfindən qeyri-neft məhsullarının ixracı 60 faizədək olub.

"Hər il KOB subyektləri tərəfindən qeyri-neft məhsullarının istehsalı və ixracı bütün göstəricilər üzrə artır. Hökumət onlara dəstəyini davam etdirəcək", - deyə M.Cabbarov əlavə edib.

Məqalədə:
Xəbər lenti

Xəbər lenti