Bakı. Trend:
SOCAR-ın Heydər Əliyev adına Neft Emalı Zavoduna (NEZ) yeni direktor təyin edilib.
Trend-in məlumatına görə, bu vəzifə Xəyal Cəfərova həvalə olunub.
Qeyd edək ki, X.Cəfərov daha əvvəl “SOCAR Karbamid” zavodunun direktoru vəzifəsində çalışıb. Xəyal Cəfərovun atası Vilayət Cəfərov ölkədə tanınmış ziyalı şəxslərdən biri olub. Vilayət Cəfərov şərqşünas, ərəbşünas, tərcüməçi, filologiya elmləri doktoru, professor olub.