Bakı. Trend:
Azərbaycan iki illik şəffaflıq hesabatını təqdim etməyə hazırdır.
Trend xəbər verir ki, bunu COP29-un prezidenti Muxtar Babayev Bakıda konfransın rəsmi açılış mərasimində deyib.
Onun sözlərinə görə, iqlim uyğunlaşması təsirlərin yumşaldılması ilə eyni diqqəti çəkməyib.
“Regionumuz Qafqazda buzlaqların əriməsi və şirin su ehtiyatlarının azalması kimi problemlərlə üzləşdiyi üçün Azərbaycan uyğunlaşma ehtiyacını anlayır. Milli uyğunlaşma strategiyalarında qabaqcıl təcrübələrin paylaşılması, texnologiya transferi və qarşılıqlı dəstəyə üstünlük verilməlidir. Biz 2030-cu ilə qədər real irəliləyişə nail olmaq üçün bu strategiyaları 2025-ci ilə qədər həyata keçirməyi planlaşdırırıq”, - deyə Babayev bildirib.
COP29 prezidenti əlavə edib ki, mənalı uyğunlaşma fəaliyyətinə nail olmaq üçün dövlət maliyyələşdirməsi vacib olacaq.