Bakı. Trend:
Bu ilin yanvar-oktyabr aylarında Azərbaycanda 74 min 362 ton duz istehsal edilib.
Trend bu barədə Dövlət Statistika Komitəsinin hesabatına istinadən xəbər verir.
Məlumata görə, bu, əvvəlki ilin eyni dövrü ilə müqayisədə 12 min 948 ton və ya 21,08% çoxdur.
Ötən ilin 10 ayında ölkədə 61 min 414 ton duz istehsal edilmişdi.
Bu ilin noyabrın 1-nə olan məlumata görə, hazır məhsul ehtiyatı 43,2 ton təşkil edib. Əvvəlki ilin eyni dövründə isə bu göstərici 113,8 tona bərabər olub. Beləliklə, hazır məhsul ehtiyatı bir ildə 70,6 ton və ya 62,04% azalıb.