Bakı. Trend:
Bu ilin yanvarın 1-nə Azərbaycanda banklar tərəfindən sənaye və istehsal sektoruna qoyulan kreditlərin həcmi 1,5 milyard manat təşkil edib.
Bu barədə Trend Mərkəzi Bankdan xəbər əldə edib.
Məlumata görə, bu, aylıq müqayisədə 17,5 milyon manat və ya 1,1%, illik müqayisədə isə 346,8 milyon manat və ya 29,2% çoxdur.
Eyni zamanda, cari ilin yanvarın 1-nə ölkədə qeyri-banklar tərəfindən sənaye və istehsal sektoruna qoyulan kreditlərin həcmi isə 743 milyon manat olub.
Bu göstərici aylıq müqayisədə 4,2 milyon manat və ya 0,6%, illik müqayisədə isə 720,1 milyon manat və ya 32,6 dəfə çoxdur.