Bakı. Trend:
“Bakı Enerji Həftəsi” çərçivəsində SOCAR ilə “ExxonMobil Corporation” şirkəti arasında Anlaşma Memorandumu imzalanıb.
Trend-ə bu barədə SOCAR-dan məlumat verilib.
Məlumata görə, anlaşma Memorandumunu SOCAR-ın prezidenti Rövşən Nəcəf və “ExxonMobil Corporation” şirkətinin vitse-prezidenti Con Ardil imzalayıblar. Sənəd Azərbaycanın neft-qaz sahəsində birgə əməkdaşlığı nəzərdə tutur.
Qeyd edək ki, “ExxonMobil Corporation” və SOCAR arasında enerji sektorundakı uzunmüddətli tərəfdaşlıq əlaqələri son zamanlar daha da gücləndirilib.