...

Asiya İnkişaf Bankı "Bank of Baku" Azərbaycan bankına kreditin ayrılmasına razılıq verib.

Biznes və iqtisadiyyat xəbərləri Materials 12 Sentyabr 2007 12:02 (UTC +04:00)

Trend-i buradan izləyin

Azərbaycan, Bakı / Trend , müxbir İ.Xəlilova/ Asiya İnkişaf Bankı (AİB) "Bank of Baku" Azərbaycan bankına 6 mln. dollar məbləğində kreditin ayrılmasına razılıq verib ki, bu məbləğin 4 mln. dolları xarici valyuta ilə, 2 mln. dolları isə milli valyutanın ekvivalentində təqdim ediləcək.

Çərşənbə günü AİB-in Bakı nümayəndəliyindən verilən məlumata görə, Azərbyacana kreditin bir hisssəsinin milli valyuta ilə təqdim olunmasını milli valyutaya və onun sabitliyinə inam kimi qiymətləndirmək olar.

Kredit vəsaiti müştəri bazasının genişləndirilməsinə, orta və kiçik sahibkarlığın maliyyələşdirilməsinə yönələcək.

Üç-dörd həftə ərzində AİB Azərbaycan banklarına ölkənin özəl sektorunun kredit potfelinin genişləndirilməsi çərçivəsində 15-120 mln. dollar məbləğində daha iki kredit ayırmağı planlaşdırır.

"Bank of Baku" üçün ayrılmış krediti də nəzərə almaqla, AİB-in portfeli 31 mln. dollara qədər artıb. Hazırda "Bank Respublika" ilə danışıqlar aparılır və bu banka 10 mln. dollar dəyərində subordinasiya edilmiş kredit təqdim ediləcək.

Xəbər lenti

Xəbər lenti