Azərbaycan, Bakı / Trend , müxbir İ.Xəlilova / Çərşənbə axşamı Azərbaycanın xarici işlər nazirinin müavini Mahmud Məmmədquliyevin verdiyi məlumata görə, oktyabrın sonunda Ankarada Türkiyənin Qara Dəniz İqtisadi Əməkdaşlıq Təşkilatında sədrliyinin bitməsi ilə əlaqədar, təşkilatın xarici işlər nazirləri şurasının iclasının keçiriliməsi gözlənilir. Növbəti yarım il ərzində təşkilata sədrliyi Ukrayna edəcək.
"Yarım il elə bir dövrdür ki, sədrlik edən tərəf təşkilatın fəaliyyətində irəliləyişlər əldə edə bilər" - deyə nazirin müavini bildirib. Diqqətəlayiq hadisə isə, iyun ayında təşkilatın 15-ci ildönümü münasibətilə keçirilən sammitdə əməkdaşlıq barədə razılaşmanın imzalanmasıdır. Sənəd regional inkişaf, layihələrin stimullaşdırılması və əlverişli şəraitin yaradılmasını nəzərdə tutur.
Məmmədquliyevin fikrincə, təşkilatın səmərəliliyini artırmaq məqsədilə, QDİƏT-in katibliyinin rolunun gücləndirilməsi tələb olunur ki, təşktilatın fəaliyyəti ona sədrlik edən ölkədən asılı olmasın.
Təşkilatın inkişafına maneələrin , təşkilatın nizamnaməsində qüsurların aradan qaldırılması, poosedur məsələlərinin həlli vasitəsilə nail olmaq nəzərdə tutulur.
İlk dəfə olaraq, məhz Azərbaycan təşkilatın katibliyinin rolunu, vəzifəli şəxslərin statusunu artırmağı təklif edib ki, bir çox məsələləri onlar özləri həll etsin və xarici işlər nazirlərinin öhdəsinə buraxmasınlar. Həmçinin, konsensusun məhdudlaşdırlması da tələb olunur ki, bu da bəzən ləngiməyə səbəb olur (QDİƏT-in baş katibinin müavininin seçilmə prosesi iki il davam edib ki, bu da prosedur məsələlərinin müəyyənləşdirilməsi ilə əlaqədar olub).
