Azərbaycan, Bakı / Trend , müxbir S.Əliyev/ Bakı limanında böyük miqdarda yüklə dolu vaqonların toplandığı müşahidə olunur. Nəticədə, Türkmənbaşı və Aktau limanlarından Bakı limanına növbəti yük daşınmasına müvəqqəti olaraq qadağa qoyulub. Bu barədə çərşənbə günü Azərbaycan Dövlət Dəmir Yol İdarəsindən məlumat verilib.
Sisternlərin toplanması Xəzərin pis hava şəraiti ilə əlaqədar, bərələrin hərəkətinin pozulması səbəbindən baş verib. Oktyabrın 6-dan sonra bütün problemlərin həll olunacağı gözlənilir.
Azərbaycan dövlət dəmir yolu ildə 20 mln. tondan çox neft və neft məhsulları nəql etmə imkanına malikdir. Neft və neft məhsulları ilə yüklənmiş vaqonlar Türkmənistan və Qazaxıstandan göndərilir və Azərbaycan vasitəsi ilə Gürcüstanın Poti və Batumi limanlarına nəql olunur.
