...

Neft sektorundan vergi ayrılmaları 2008-ci ildə 3%-ə qədər artacaq

Biznes və iqtisadiyyat xəbərləri Materials 26 Sentyabr 2007 20:15 (UTC +04:00)

Trend-i buradan izləyin

Azərbaycan, Bakı / Trend , müxbir İ.Xəlilova / Azərbaycan hökuməti 2008-ci ilin dövlət büdcəsinə proqnozların hazırlanması zamanı neftin qiymətini bir barrel üçün, 2007-ci ildə olduğu kimi, 50 dollar səviyyəsində saxlayıb, çərşənbə günü Maliyyə Nazirliyindən verilən məlumatda belə deyilir.

Gələn il neft sektorundan gələn vergi daxilolmalarının 2,73 mlrd. manat səviyyəsində olması və 3% artması nəzərdə tutulur. Dövlət büdcəsinin ümumi gəlirləri 27,9% artaraq 7,383 mlrd. manat təşkil edəcək. Maliyyə naziri Samir Şərifovun verdiyi məlumata görə, Nazirlər Kabinetinin 2008-ci il dövlət büdcəsinin poqnozlarının müzakirəsi ilə bağlı keçirilən iclasında büdcənin gəlir və xərclər bəndinin formalaşdırılması zamanı əsas diqqət qeyri-neft sektorunun inkişafına yönəlib, bununla əlaqədar olaraq, böyük artımın bu sahədə baş verəcəyi nəzərdə tutulur.

Dövlət Neft Fondundan transferlər 1,1 mlrd. manat həcmində planlaşdırılıb.

İqtisadi İnkişaf Nazirliyinin 2008-ci il üçün olan makroiqtisadi proqnozlarına əsasən, neft sektorunun artımı 26% səviyyəsində proqnozlaşdırılır.

Xəbər lenti

Xəbər lenti