...

Bakıdakı hərbi hissənin köçürülməsi ilə bağlı tender elan olunub

Biznes və iqtisadiyyat xəbərləri Materials 29 Sentyabr 2007 15:26 (UTC +04:00)

Azərbaycan, Bakı / Trend , müxbir İ.Xəlilova / Azərbaycanın Dövlət Əmlakının İdarə edilməsi üzrə Dövlət Komitəsi N saylı hərbi hissənin binasının demontajı işlərinin birinci mərhələsinin yerinə yetirilməsi ilə bağlı tender elan edib. Dövlət Komitəsindən verilən məlumata görə, tender bina, tikili, avadanlıq və qurğuların demontajı, istifadə üçün yararlı avadanlığın ayrıca anbarlaşdırılması, ərazilərin tullantılardan təmizlənməsi, kommunikasiya xətlərinin demontajı ilə bağlı olaraq elan edilib.

Hərbi hissənin köçürülməsi Azərbaycan Respublikası Nazirlər Kabinetinin 19 fevral 2007-ci il tarixli 42s nömrəli sərəncamına uyğun olaraq, həyata keçirilir.

Tenderdə iştirak haqqı 500 manatdır.

Namizədlər ərizə, iştirak haqqının ödənilməsini göstərən bank arayışı, borcların və vergilərin olmamasını göstərən arayış, tender təklifinin dəyərinin 1%-i həcmində bank təminatı təqdim etməlidirlər. Təkliflərdə ad və soyad, hüquqi status, əsas fəaliyyətin həyata keçirildiyi yer, əməkdaşların siyahısı və onların səlahiyyətləri əksini tapmalıdır.

Tenderdə iştirak etmək üçün namizədlər aşağıdakaı sənədləri 2007-ci il noyabr ayının 6-na qədər aşağıdakı ünvana təqdim etməlidirlər: Bakı şəhəri, Səfərov küçəsi 20, otaq 914. Tender təklifləri noyabrın 5-nə qədər qəbul olunur, tender proseduru noyabrın 16-da saat 11:00-da baş tutacaq.

Xəbər lenti

Xəbər lenti