Azərbaycan, Bakı / Trend İ.Xəlilova/ Çərşənbə axşamı hökumətdən verilən məlumata görə, Fransanın "Lafarge" şirkətinə sement istehsalı zavodunun tikintisi məqsədilə iki -- Qaradağ rayonu və Qobustan ərazisində yer təklif olunub.
"Azərbaycan İnvestisiya Şirkəti" müəyyən olunmuş bu iki yer üzrə rəsmi sənədlərin əldə edilməsi məqsədilə, Ekologiya Nazirliyinə müraciət etmək niyyətindədir. Bu barədə çərşənbə axşamı Azərbaycanın İqtisadi İnkişaf naziri Heydər Babayev bildirib.
"Texniki mütəxəssislər bu yerlərlə tanışlıq məqsədilə bu həftə Bakıya gəlmədilər", - deyə o bildirib.
Zavodun tikinti layihəsi 100-150 mln. avro dəyərində qiymətləndirilir ki, bu vəsait tamamilə yeni texnologiya ilə yeni bir müəssisənin tikintisinə yönələcək. Zovodun istehsal gücü təxminən 1 mln. ton təşkil edəcək. Zavodun tikintisi layihəsində Azərbaycan İnvestisya Şirkətinin (20%) iştirak edəcəyi gözlənilir, iştirakın digər faizi isə, "Lafarage"ın hesabına təmin olunacaq.
