Azərbaycan, Bakı / Trend , müxbir Ü.İsmayılova/ Cümə axşamı Azərbaycanın İqtisadi İnkişaf nazirinin müavini Niyazi Səfərovun verdiyi məlumata görə, Azərbaycanın Nazirlər Kabineti sənaye şəhərciyinin tikintisinin başlanması məqsədilə 2 mln. manat vəsait ayırıb.
"Ayrılmış vəsait şəhərciyin infrastrukturunun tikintisinə sərf olunacaq" - deyə nazirin müavini bildirib.
Səfərovun sözlərinə görə, nazirlik artıq şəhərin infrastrukturunun tikintisi məqsədilə tender elan edib.
Şəhərin salınmasına yönəlmiş investisiyalar 28 mln. manat həcmində qiymətləndirilir, 2007-ci ildə isə, büdcədən bu məqsədlə 8 mln. manat ayrılıb (9,4 mln. dollar) ki, bu da şəhərciyin yaradılması üzrə işləri yarım illik bir müddətə maliyyələşdirə bilər. Nazirlər Kabinetinin sərəncamı ilə Yaşma rayonunda 267 hektar ərazi ayrılıb. Ərazinin 63 hektarı Abşeron rayonunun, 204 hektarı isə, Xızı rayonunun payına düşür.
