Azərbaycan, Bakı / Trend müxbir U.İsmaylova/ Cümə günü "Bank of Baku" və Asiya İnkişaf Bankı arasında (AİB) kredit müqaviləsi imzalanıb. Bu barədə AİB-in Bakı nümayəndəliyindən məlumat verilib.
AİB-in Direktorlar Şurası "Bank of Baku" üçün 4 mln. dolları xarici valyuta, 2 mln. dolları isə milli valyuta ilə 6 mln. dollar həcmində kredit ayrılmasını təsdiq edib.
Ölkənin bank sektoru tarixində ilk dəfə olaraq beynəlxalq maliyyə təşkilatı Azərbaycan manatı ilə kredit xətti açır.
"Birinci tranşın verilməsi gələn həftəyə planlaşdırılıb" - deyə nümayəndəlikdən bildiriblər.
Kredit vəsaiti "Bank of Baku"nun müştəri bazasının genişləndirilməsi, həmçinin xırda və orta sahibkarlığın maliyyələşdirilməsinə hesablanıb.
