Azərbaycan, Bakı / Trend müxbir U.İsmaylova/ "Az Sigorta" şirkəti QSC-ni ASC mülkiyyət formasına dəyişdirib.
Ölkə parlamentinin müzakirəsində olan sığorta haqqında qanun layihəsinə müvafiq olaraq Azərbaycanın sığorta şirkətləri mülkiyyət formalarını dəyişdirməlidirlər.
"Mülkiyyət formasının dəyişdirilməsi xarici kapitalın genişləndirilməsinə yardım edəcək" - deyə şirkətdən bildiriblər.
Sığorta barədə qanun layihəsinə müvafiq olaraq yerli sığorta şirkətlərinə xarici kapitalın tətbiq edilməsi üçün məhdudiyyət ləğv olunacaq. Əvvəllər məhdudiyyət yerli kapital üçün 51, xarici kapital üçün isə 49 faiz müəyyən olunmuşdu.
"Az Sigorta" şirkəti bir mln. manat nizamnamə kapitalına malikdir. Şirkət 31 sığorta xidməti göstərir, onlardan dördü məcburidir.