Azərbaycan, Bakı / Trend , müxbir S.Babayeva/ Oktyabrın 1-nə qədər Azərbaycanda 2,1 min ton tütün yapağı toplanıb ki, bu da 2006-cı ilin analoji dövrünün göstəricisindən 47,8 faiz azdır. Bu barədə Dövlət Statistika Komitəsindən məlumat verilib.
İstehsalın aşağı düşməsinə səbəb əlverişsiz hava şəraitinə görə, tütün əkilən sahələrin 35,3 faiz azalmasıdır. Tütün yarpağının ümumi əkin sahəsi 1,2 min hektara yaxındır.
Bu ili üçün tütün yarpağının toplanması üzrə proqnoz 3 min ton həcmində müəyyən olunub. 2006-cı ildə isə, ölkədə 4 min tondan çox tütün yarpağı toplanıb.
Azərbaycanda tütün yarpağı, əsasən, Zaqatala, Şəki, Qəbələ və Balakənin daxil olduğu Şəki-Zaqatala iqtisadi rayonu ərazisində istehsal olunur.
