Azərbaycan, Bakı / Trend , müxbir İ.Xəlilova / "Joint Leasing Company" lizinq şirkəti şirkətin Azərbaycanda həyata keçirdiyi əməliyyatlar üçün cəlb olunan maliyyə resurslarını diversifikasiya etməyi planlaşdırır. Bu barədə cümə axşamı şirkətin baş direktoru Elçin Əhmədov məlumat verib. Şirkətin vəsait cəlb etmək imkanları Britaniyanın "Dolphin Leasing" şirkətinin səhmdarların tərkibinə daxil edilməsindən sonra genişlənib.
Bu vaxta qədər "Joint Leasing Company" (şirkətin keçmiş adı "AzeriLeasing") Azərbaycan Beynəlxalq Bankının tam mülkiyyətində olub, indi isə, şirkətin 52,3%-i "Dolphin Leasing" şirkətinə məxsusdur.
"Joint Leasing Company" lizinq əməliyyatlarını hələ ki, AMB hesabına maliyyələşdirir. Əhmədov hesab edir ki, şirkətin 50 mln. dollardan çox olan portfeli, kapitalın artımı olmadan da, potensial xarici resursların cəlb edilməsi üçün bir təminatdır.
"Şirkətin Nizamanamə Kapitalının artırılmasına hələ ki ehtiyac görülmür. Şirkətin təsisçiləri bu məsələni qaldırmırlar, belə ki, bütün səylər daxili siyasətin işlənib hazırlanmasına, restrukturizasiyasına yönəlib" - deyə şirkətin rəhbəri bildirib.
"Joint Leasing Company" şirkətinin kapitalı 800 min dollar həcmində formalaşdırılıb. Şirkət AMB tərəfindən "AzeriLeasing" kimi yaradılıb və bankın lizinq şirkətinin Nizamnamə Kapitalında iştirakı, "Dolphin"in gəlişinə qədər 90% təşkil edib, qalan 10% isə AMB-in "Biznes-Rabitə" kommunikasiya şirkətinə məxsus olub.