Azərbaycan, Bakı / Trend İ.Xəlilova/ Azərbaycan iqtisadi inkişaf Nazirliyi 2008 ildə istehlak qiymətlərinin artım templərini 12-14 faiz səviyyəsində proqnozlaşdırır, lakin neftin və digər idxal olunan malların qiymətinin stabilləşməsi inflyasiyanı 10 faiz radələrində saxlaya bilər. Bu cür proqnozlarla cümə günü iqtisadi inkişaf naziri Heydər Babayev çıxış edib.
Lakin, cari il ərzində qiymət artımı 16 faiz səviyyəsində qala bilər və ya təxminən 0,5 faiz də arta bilər. 9 ayda inflyasiyanın səviyyəsi 16 faiz təşkil edib.
İstehlak mallarına qiymət artımını nazir əsasən dünya bazarlarında qiymət artımı ilə izah edir, çünki yüksək neft qiymətləri nəticəsində ixracatçı ölkələrdə malların maya dəyəri artır. "Lakin, dünya bazarında qiymətlərin stabilləşməsi belə inflasiyanı sıfıra sala bilməz, çünki ölkədə maaşlar, təqaüdlər və ümumilikdə əhalinin gəlirləri artır. Büdcənin neftdən gəlirləri artdıqca büdcə xərcləri də artır. Bu faktorlar da inflyasiya proseslərinə təsir göstərir" - deyə nazir qeyd etdi.
Son 6-7 ay ərzində Antiinhisar komitəsi və istehlak bazarına nəzarət üzrə Dövlət xidməti süni qiymət artımının və keyfiyyətsiz məhsulun satışının qarşısını almaq məqsədilə monitorinq fəaliyyətini aktivləşdirib. Lakin, qiymətlərin aşağı salınmasını hökümət diktə edə bilməz, çünki onların idxalçısı şəxsi sektorun təmsilçiləridir.