Ukrayna, Kiyev / Trend müxbir Z.Novosvitski/ "Royal Bank of Baku" Ukraynanın bank sektorunda iştirakını inkişaf etdirməyi planlaşdırır. Bu barədə Trend ə "Royal Bank of Baku"nun beynəlxalq hüquq depatamentinin rəhbəri Arzu Əliyeva Kiyevdə keçirilən Qaradəniz İqtisadi Əməkdaşlıq Təşkilatına üzv ölkələrin birinci bank forumu zamanı məlumat verib.
"Royal Bank of Baku"nun yeni bank yaradacağı və ya Ukraynada fəaliyyət göstərən banklardan birini alacağı ilə bağlı hələ yekun qərar qəbul olunmayıb.
Hazırda "Royal Bank of Baku" Ukrayna bankları, xüsusi ilə də "Nadra" və "Xreşatik" ilə müxbir münasibətlərin təşkil edilməsi prosesindədir. Bundan əlavə, "Royal Bank of Baku" Moldova, Belarus, Türkmənistan və Qazaxıstan kimi ölkələrdə fəaliyyətini inkişaf etdirmək niyyətindədir.
