Azərbaycan, Bakı/ Trend müxbir Ü.İsmayılova/ Əgər Azərbaycan iqtisadiyyatının inkişafının bərabər olmayan artım templərini nəzərə alsaq, ölkəni uğurlu saymaq olar. Bu barədə cümə günü USAİD-in Bakıdakı baş məsləhətçisi Arnold Qarberqer məlumat verib. 2007-ci ildə Azərbaycan iqtisadiyyatının artım templəri 30 faizdən çoxdur. Qarberqerin sözlərinə görə, əgər ölkənin coğrafi yerləşmə vəziyyətini (ərazisinin sahəsi və əhalinin sayı) nəzərə alsaq, bu artımı təbii saymaq olar. Qarberqer bildirib ki, əgər bu, böyük miqdarda nefti və az əhalisi olan Amerika ştatlarından biri olsaydı, Amerika nəhəng ölkə olduğu üçün bu, yalnız həmin ştatın ÜDM artımına təsir edərdi. Amma Azərbaycanın ərazisini və neft ehtiyatlarını nəzərə almaqla bu artım realdır. Azərbaycanın Amerika hökuməti üçün əhəmiyyəti barədə danışarkən, məsləhətçi Azərbaycanın Amerika üçün maraqlı və vacib ölkə olduğunu bildirib və buna sübut kimi USAİD-in Azərbaycan iqtisadiyyatının müxtəlif sferalarında fəal iştirakını göstərib. Beynəlxalq inkişaf üzrə ABŞ agentliyi USAİD müstəqil hökumət təşkilatıdır və ona birbaşa olaraq ABŞ Dövlət Katibi rəhbərlik edir. Agentliyin fəaliyyəti ABŞ-ın beynəlxalq maraqlarının qorunmasına və inkişafda olan ölkələrdə əhalinin həyat səviyyəsinin keyfiyyətinin və səviyyəsinin yüksəldilməsinə yönəldilib. Agentlik bu ölkələrdə demokratiyanın və azad bazarın inkişafına kömək edir.
...
