Azərbaycan, Bakı/ Trend , müxbir İ.Xəlilova/ Su təminatı və kanalizasiya sisteminin yaxşılaşdırılması layihəsinin hazırlanması üçün Yaponiya Beynəlxalq Əməkdaşlıq Bankının missiyasının dekabrın 11-nə Azərbaycana nəzərdə tutulan səfəri iki-üç gün təxirə salınıb. Bu barədə çərşənbə axşamı Azərbaycan Konsaltinq Şirkəti ASPİ-dən məlumat veriblər. "Azərsu" SC-nin rəhbəri Nizaməddin Rzayev yapon bankı ilə əməkdaşlığı sürətli templə irəliləyən su layihəsi üzrə daha uğurlu hesab edir. "Biz belə qısa müddətdə danışıqlar apara və layihə hazırlaya biləcəyimizi gözləmirdik. Düşünürəm ki, bu il də olmasa, 2008-ci ilin birinci rübündə JBİC ilə kredit müqaviləsi imzalamaq mümkün olacaq" - Rzayev hesab edir. Yapon bankı bu layihəyə cəlb ediləcək rayonların siyahısının genişiləndirilməsinə razı olub. İlkin texniki-iqtisadi əsaslandırma altı rayonu əhatə etməklə yaradılsa da, razılaşmaya əsasən, onların sayı 10-a çatıdırılıb(Şamaxı, Salyan, Neftçala, Bərdə, Quba və başqaları). "Azərsu" rəhbərinin rəyinə görə, layihənin dəyəri 300-350 mln. dollar təşkil edəcək. JBİC artıq ölkə hökumətinə 260 mln. dollar kredit təklif edib. Əvvəllər təklif olunan məbləğ 160-180 mln. dollar olub. Bank, kanalizasiya sisteminin bərpası üçün 0.14 faiz, su təminatı üçün 0.65 faiz tariflə kredit ayırmağı təklif edir. Kanalizasiya ilə əlaqədar şərtlərin yumşaldılması Azərbaycanda su xidmətlərinin qiymətinin baha olması ilə bağlıdır. Su təminatı sisteminin yaxşılaşdırılması suburaxıcı, təmizləyici tikintisini, suyun şəhərədək çatdırılması və paylaşdırılmasını, kanalizasiya üzrə isə daşınma, təmizlənmə və atılmanı nəzərdə tutur. Layihə üzrə fiziki işlərə 2008-ci ilin oktyabrında başlanılması planlaşdırıldığı üçün, layihənin yapon bankının Direktorlar Şurası tərəfindən illin əvvəlində təsdiq ediləcəyi gözlənilir. Layihənin texniki-iqtisadi əsaslandırılması Tokio Engineering/ASPI tərəfindən aparılıb.
...
