Azərbaycan, Bakı/ Trend , müxbir İ.Xəlilova/ Gürcüstanın "TBC Bank"-ı tərəfindən bank olmayan kredit təşkilatı SOA Credit-in (ötən ildən Shore Overciese Azerbaijan) 75 % pay iştirakının alqısı növbəti ilədək təxirə salınır və 2008-ci il yanvarın ortalarınadək baş tutacaq. Bu barədə cümə axşamı təşkilatın idarə heyətinin sədr müavini Əjdər Əliyev məlumat verib. Onun sözlərinə görə, saziş, SOA Credit-in səhmlərinin ümumi dəyəri 7.5 mln. dollar təşkil edən yeni emissiyalarının buraxılması hesabına baş tutacaq. Kredit təşkilatının Nizamnamə kapitalı 2.5 mln. dollar təşkil edir. Nizamnamə kapitalı Shore Overciese Azerbaijan-ın fəaliyyətinin ilkin mərhələsində ABŞ-ın Beynəlxalq İnkişaf Agentliyi tərəfindən verilən qrantın və qrant ehtiyatı vəsaitlərinin istifadəsi nəticəsində formalaşdırılıb. Yeni səhmdarın təşkilata daxil olmasından sonra onun kapitalı 10 mln. dollaradək artacaq. Hazırda SOA Creditin 100 faizlik təsisçisi Amerikanın Shorebank qrupuna daxil olan Shorebank Beynəlxalq Konsaltinq Firmasıdır. Dekabrın 11-də Gürcüstanda, "TBC Bank" -ın Müşahidə Şurasının sədri Mamuka Xazaradze bildirib ki, "TBC Bank" " SOA Credit"-i yerli müştərilərə geniş bank xidmətləri spektri təklif edə biləcək güclü maliyyə institutuna çevirmək niyyətindədir. Onun sözlərinə görə, bank tərəfindən Azərbaycanın maliyyə bazarında həyata keçirilən investisiyalar bank şəbəkəsinin beynəlxalq inkişafı yolunda ilk addım olacaq və biricni inkişaf təcrübəsidir. Onun sözlərinə görə, Azərbaycanda qazanılan təcrübədən bankın rəhbərliyi digər MDB ölkələrinin maliyyə bazarlarına investisyaların yatırılmasında istifadə ediləcək. SOA Creditin sədr müavininin sözlərinə görə, növbəti mərhələdə baş verəcəyindən, "TBC Bank"-la bank olmayan kredit təşkilatının banka çevirlməsi planları müzakirə edilməyib. SOA Creditin aktivləri, kredit portfeli kimi, 10.5 mln. dollar səviyyəsində müəyyən edilib.
...
