Azərbaycan, Bakı/ Trend , müxbir İ.Xəlilova/ Qiymətli Kağızlar üzrə Dövlət Komitəsi Amrahbank SB ASC -nin adi adlı sənədsiz səhmlərinin emissiya prospektini qeydə alıb. Emissiyanın həcmi 2 500 000 AZN təşkil edir. Bu barədə bazar ertəsi Bakı Fond Birjasından məlumat veriblər.Bir səhmin nominal dəyəri 100 manatdır. Bank səhmdarlarının qərarına əsasən, emissiya 2008-ci il iyunun 18-dək yerləşdiriləcək. Səhmlərin yerləşdirilməsində anderrayter vəzifəsində "AzərİnterTreyd" MMC çıxış edir. Bankın kapitallaşdırılması onun səhmdarları sırasına Bəhreyndə qərarlaşan Beynəlxalq İnvestisiya bankının daxil olması planları ilə əlaqədardır. Beynəlxalq İnvestisiya Bankı Amrahbank-ın investisiyalaşdırılması haqqında bəyanat verib. Lakin bazar AMB-nin Kredit Təşkilatlarına Nəzarət üzrə Departamentinin rəhbəri Adışirin Qasımovun bazar günü verdiyi məlumata görə, Amrahbank-dan Milli Banka xarici investorun cəlb edilməsilə bağlı müraciət daixl olmayıb. AMB-nin icazəsi olmadan bu müqavilə və müvafiq olaraq, səhmlərin imzalanması baş tuta bilməz. Lakin emissiyaların yerləşdirmə vaxtını nəzərə alaraq, Amrahbank-ın icazə almaq üçün vaxtı var. Bank qanuvericiliyinə uyğun olaraq, 10%-dən yuxarı səhmlərin satışı Milli Bankla razılaşdırılmalıdır. Öz növbəsində, AMB investorun reputasiyasına diqqət yetirir. Lakin səhmdarlara qarşı bank qanunlarının uyğunlaşdırıldığı bazel standartlarına uyğun tələblər qoyulur. Amrahbank-ın Bəhreyn bankı ilə müqaviləsi Azərbaycan bankının səhmlərinin 49%-inin satışını nəzərdə tutur. Beynəlxalq İnvestisiya bankı Amrahbank-ı yüksək keyfiyyətli maliyyə məhsulları və xidmətləri təklif edən mükəmməl islam bankına çevirmək niyyətindədir.
...