Azərbaycan, Bakı, 9 yanvar / Trend , müxbir İ.Xəlilova/ABŞ-ın Beynəlxalq İnkişaf üzrə Agentliyi (USAİD) Mərkəzləşdirilmiş Kredit Reyestrinin (MKR) işinin təkmilləşdirilməsində və şəxsi kredit reyestrləri praktikasının tətbiqi mexanizmlərinin işlənilməsində Azərbaycan Milli Bankına yardım edəcək. Bu barədə çərşənbə günü AMB-nin Statistika və Araşdırmalar Departamentinin direktoru Emin Hüseynov məlumat verib.
Kredit tarixlərinin aparılması üzrə şəxsi strukturların yaradılması hazırda Milli Bankın mütəxəssisləri tərəfindən hazırlanan "Kredit reyestri haqqında" Qanun layihəsinin qəbulundan sonra mümkün olacaq.
Qanun layihəsi, həmçinin, əhatə dairəsinin genişləndirilməsi vasitəsilə reyestr potensialının inkişafını nəzərdə tutur. 2005-ci ilin martından AMB-nin nəzdində fəaliyyət göstərən MKR-in istifadəçiləri yalnız banklardır. Buna baxmayaraq, Hüseynovun sözlərinə görə, "Bank olmayan kredit təşkilatları haqqında" Qanun layihəsi BOKT-ın kredit reyestrində iştirakına imkan verir. Lakin istifadəçi dairəsinin kredit reyestrinin tam avtomatlaşdırılmasından sonra genişləndirilə bilər. Sənəd dövriyyəsinin sürətləndirilməsi və reyeestr işinin operativliyinin təmin edilməsi yalnız bundan sonra mümkün ola bilər.
AMB-nin nümayəndəsi beynəlxalq praktikada kredit ittifaqlarının yaradılmasının maliyyə təşkilatları - daha dəqiq desək, sığorta, lizinq, pərakəndə və topdansatış xidmətləri göstərən ticarət şirkətləri, kommunal təşkilatlar, mobil operatorların xidmətlərinin istifadəçilərinin reyestrinin aparılması üçün mümkün olduğunu hesab edir. "Bunun üçün onların fəaliyyətini nizamlayacaq qanunvericilik bazasının yaradılması vacibdir"-Hüseynov bildirib.
Onun sözlərinə görə, səfəri ikinci kvartalda gözlənilən USAİD-in məsləhətçisi Cim Əzizin gəlişinədək, qanun layihəsi üzərində işləri başa çatdırmaq və onu icra hakimiyyətinin orqanlarının razılaşdırılmasına və ya ola bilsin ki, parlamentə təqdim etmək planlaşdırılır.
Bunula yanaşı, AMB-də kredit reyestrinin fəaliyyətini nizamlamaq üçün xüsusi şöbə yaradılıb və Elçin Həbibov bu şöbəyə rəhbər təyin edilib.
