Azərbaycan, Bakı, 19 fevral/ Trend , müxbir İ.Xəlilova/ Ölkəyə gətirilən mallara qoyulan əlavə dəyər vergisinin (ƏDV) əvəzləndirilməsi üzrə Azərbaycan idxalçılarının problemlərini həll etmək üçün Azərbaycan hökuməti ƏDV-dən daxilolmaları Vergilər Nazirliyi və Dövlət Gömrük Komitəsinin depozit hesablarında əlaqələndirmək niyyətindədir.
Bununla əlaqədar olaraq, gömrük orqanları üçün DGK-nın xəzinədar orqanlarında ayrıca depozit hesab açılacaq. Bunun üçün Nazirlər Kabineti tərəfindən ilin əvvəlində təsdiq edilən vergi ödəyicisinə verilmiş vergi-hesab fakturası üzrə alınmış malların (iş və xidmətlərin) dəyəri ödənilərkən ƏDV-nin ödənilməsi, ƏDV-nin depozit hesabında uçotun aparılması, ƏDV-nin hərəkəti, bu hesab üzrə aparılan əməliyyatlardan ƏDV-nin əvəzləndirilməsi və dövlət büdcəsinə köçürülməsi Qaydalarına dəyişikliklər edilib.
Qaydalarda Azərbaycan Milli Bankına daxili bazarda ƏDV-nin ödənilməsindən daxilolamaların toplanacağı depozit hesabı üzrə bank əməliyyatlarının uçotunu aparmaq tapşırılır. (Milli Bank ödəmə sistemləri ilə ƏDV üzrə daxilolmalar haqqında məlumatları Maliyyə Nazirliyinin Avtomatlaşdırılmış Vergi Məlumat Sisteminə ötürür).
Lakin DGK idxalçı tərəfindən ödənilən vergiləri dövlət büdcəsinə köhnə sistemlə verir və bu, ölkədaxili əməliyyatlar üzrə vergi ödəyicisinin subhesabından bu verginin əvəzləndirilməsini həyata keçirməyə imkan vermir.
Müəssisələrin təklifini nəzərə almaqla, biz DGK xətti üzrə daxilolmaları ayrıca depozit hesabında toplamaq və Maliyyə Nazirliyinin depozit hesabı ilə əlaqələndirmək qərarına gəldik. Bu internet vasitəsilə subhesab məlumatları haqqında informasiya almağa və idxal zamanı ƏDV üzrə lazımi ödəmələrlə əvəzləşdirilməni aparmağa imkan verəcək", - nazirlikdən qeyd ediblər.
Depozit hesabında dövlətin iştirak payının 50 faizdən az olmadığı mal alışı, təşkilatlarla iş və xidmətlərin aparılması zamanı bütün ƏDV üzrə daxilolmalar toplanır. Bundan əlavə, hesabda dövlət büdcəsi qarşısında borcu olan ödəyicilərdən ƏDV toplamaq nəzərdə tutulur. Bu qayda 2008-ci il yanvarın 1-dən tətbiq edilib. Azərbaycanda ƏDV dərəcəsi 18 faiz təşkil edir.