Azərbaycan, Bakı, 20 fevral / Trend / Rusiyanın Perm vilayətinin iri metalyayan tədarükçüsü - "Permmetall" MDB ölkələrindən Azərbaycan və Özbəkistanda iki müəssisə açır.
"Metalinfo"nun bildirdiyinə görə, şirkət Azərbaycanda "BakuMetall", Özbəkistanda "TashkentMetall" yaradır, törəmə strukturların vahid təsisçisi isə "Permmetall" olacaq.
Müəssisənin yaradılmasına $2 mln. invesatisiya yatırmaq nəzərdə tutulub. Layihənin həyata keçirilməsində "Permmetall"ın şəxsi vəsaitləri və tərəfdaş bankların kreditlərindən istifadə olunacaq.
Bəyan edilən layihələrə görə, Azərbaycanda və Özbəkistanda "Permmetall"ın törəmə şirkətləri işə salınmadan sonra iki il ərzində bir aya $2 mln. İlə dövriyyəyə daxil olmalıdır. Onların məqsədi öz ölkələrində metal satışı bazarının 35 faizini tutmaqdır. "TashkentMetall" və "BakuMetall" yaxın zamanlarda iri metalyayan istehlakçılar - MDB maşınqayırma müəssisələri ilə müqavilələr imzalamaq niyyətindədir.
"Permmetall" ASC 1925-ci ildə yaradılıb. Kommersiya strukturu Rusiyanın aparıcı metallurgiya müəssisələrinə məhsul tədarük edir. Müştəri bazası 9 mindər artıq istehlakçı hesablanır. Şirkət 600-dən artıq adda qara və əlvan metal məhsulu, bağlayıcı armatur borusu, metal məmulatları təklif edir.
"Permmetall" ASC armatur, tir, təbəqə, əlvan metalların tədarükünü həyata keçirir. Şirkətin fəaliyyəti sənaye, tikinti, təmir, neft emalı və digər müəssisələri müxtəlif çeşidli metallarla təmin etməyə yönəlib. Müəssisənin layihə gücü ildə 400 min ton metal emal etməyə imkan verir.
