Azərbaycanın şimal regionlarında torpaq sahələrinin qiyməti 10 dəfə artıb
Azərbaycan, Bakı, 21 fevral / " , müxbirlər U.İsmayılova, A.Qafarov/ Azərbaycanın şimal regionlarında torpaq sahələrinin qiyməti beş il ərzində 10 dəfə bahalaşıb. Bu barədə cümə axşamı Trend ın region müxbiri məlumat verib.
Əgər beş il bundan öncə şimal regionlarında torpaq sahəsinin bir sotu min manat idisə, bu gün 8 min-10 min manat arasındadır. Torpaq sahələrinin yüksək qiymətləri ilə əlaqədar sahibkarlar mənfəət əldə etmək məqsədilə torpaqlarını satmağa və daha ucuz evlərdə məskunlaşmağa başlayıblar.
Daşınmaz Əmlakın Dövlət Reyestr Xidmətinin region şöbəsindən bildiriblər ki, 2008-ci ilin yanvar ayında qruma əmlakın özəlləşdirilməsi üçün 290 müraciət daxil olub ki, onların da 70 faizini torpaq sahələri təşkil edib.
"Əmlak bazarı iştirakçıları" İctimai Birliynin məlumatına görə, yanvarda Bakıda bir mənzilin orta qiyməti təxminən 170 min dollar təşkil edib.
Müəlliflə əlaqə saxlamaq üçün elektron ünvan: [email protected]
