Azərbaycan, Bakı, 12 mart / Trend , müxbir S.Babayeva / Yanvar və fevral aylarında Azərbaycanın ticarət şəbəkəsi vasitəsilə əhaliyə 1 mlrd. 495,2 mln. manatlıq istehlak malları satılıb ki, bu da 2007-ci ilin analoji dövrü ilə müqayisədə 14,5 faiz çoxdur. Bu barədə Dövlət Statistika Komitəsindən məlumat verilib.
Ümumi məbləğin 970 mln. manatı ərzaq malları, 525,2 mln. manatı isə qeyri-ərzaq mallarının payına düşür. Hər iki növ malların satışı üzrə artım 2007-ci ilin analoji dövrü ilə müqayisədə 10,9 və uyğun olaraq 23,6 faiz təşkil edib.
İlin əvvəlində əhaliyə 435,6 mln. manatlıq pullu xidmət gösətərilib (2007-ci ilin analoji dövrü ilə müqayisədə 29 faiz çox). Göstərilmiş xidmətlərin ümumi həcmindən 75,8 faiz hüquqi, 21,5 faiz fiziki şəxslərin payına düşür. Artım isə 35,6 faiz və uyğun olaraq 9,6 faiz təşkil edib.
Pərakəndə satışın ümumi dövriyyəsindən 15,7 faiz hüquqi , 45,9 faiz təşkil olunmuş yarmarka və bazarların gedişatında xüsusi sahibkarlırın və yalnız 38,4 faiz fiziki şəxslərin payına düşüb.
2008-ci ilin ilk iki ayı ərzində ticarət və xidmət göstərilməsi ilə məşğul olan fiziki və hüquqi şəxslərin sayı 250 mindən artıq olub.