Azərbaycan, Bakı, 17 mart/ Trend / Yanvar-fevralda Azərbaycanda tikinti işlərinə 353,3 mln. manat xərclənib ki, bu, 2007-ci ilin analoji dövrü ilə müqayisədə 15 faiz çoxdur. Bu barədə Dövlət Statistika Komitəsi məlumat verib.
Tikinti işlərinin ümumi həcmində dövlət müəssisələrinin payı 83,1 mln. manat, özəl müəssisələrin isə, 270,2 mln. manat təşkil edib.
Tikinti işlərinin ümumi həcmindən 262,8 mln. manat (74,4 faiz) yeni tikintilər, bərpa və genişləndirmə, 54,1 mln. manat (15,3 faiz) - əsaslı təmir, 17,3 mln. manat (4,9 faiz) - cari təmir, 19,1 mln. manat (5,4 faiz) - digər tikinti işlərinin payına düşür.
2008-ci ilin yanvarında ölkədə tikinti sahəsinin işçilərinin orta aylıq nominal əmək haqqı 344,4 manat təşkil edib. Böyüklüyünə görə, iri və orta tikinti şirkətlərinin işçilərinin maaşı 409,3 manat olub.
