Azərbaycan, Bakı, 18 mart/ " , müxbir Ü.İsmayılova/ Azərbaycanın İqtisadi İnkişaf Nazirliyi nəzdində Antiinhisar Xidməti bayram ərəfəsində qiymətlərin süni qaldırılması ilə bağlı ölkənin ərzaq bazarının monitorinqinə başlayıb. Bu barədə çərşənbə axşamı Dövlət Xidmətinin rəhbəri Samir Dadaşov məlumat verib.
"Ərzaq malları qiymətlərinin artırılmasına dair monitorinq 10 gün əvvəl başlayıb" - Dadaşov bildirib.
Azərbaycanda Novruz yaz bayramı martın 20 -21-də qeyd edilir.
Dadaşovun sözlərinə görə, Antiinhisar Xidməti artıq bazarın bütün iştirakçılarına xəbərdarlıq göndərib ki, qiymətlər süni surətdə qaldırıldığı halda, sahibkarların üzərinə sanksiyalar qoyulacaq.
Dadaşov bildirib ki, ərzaq mallarının bayramqabağı qiymət artımı inhisarçılıqla bağlı deyil.
Məsələn,Azərbaycan süd və süd məhsullarını qismən idxal edir və bu bir malın qiymətini 33 avro sent artırır. Analoji hadisə ətlə də bağlıdır. Onun idxal qiyməti heyvanlar üçün dünya yem bazarında qiymətin artması ilə əlaqədar bahalaşır.
"Bütün bunlar qiymət artımının müəyyən faktlarla izah olunduğunu göstərir. Bu, inhisarçılığın olmamasına dəlalət edir" - Dadaşov bildirib.
Məqalə müəllifinin ünvanı: [email protected]
