Azərbaycan, Bakı, 18 mart/ Trend , müxbir S.Babayeva/ "Azərbaycan İnvestisiya Şirkəti" (AİŞ) və "Asnaf Sənaye Şirkəti" MMC-nin quru yüklər üçün anbar və soyuducu anbarların yaradılması üzrə birgə layihəsinin ilkin dəyəri müəyyən edilib. AİŞ-in icraçı direktoru Anar Axundovun çərşənbə axşamı verdiyi məlumata görə, yerləşdirilməyə olan xərclər nəzər alınmadan, layihənin dəyəri $20-25 mln. qiymətləndirilir. AİŞ-in layihədə iştirak payı ilkin olaraq 25 faizədək müəyyən edilib.
"Hazırda layihənin texniki-iqtisadi əsaslandırılması gedir", - o bildirib.
AİŞ rəhbərinin sözlərinə görə, avadanlığın əldə edilməsi üçün bir neçə iri Avropa şirkəti ilə danışıqlar aparılır. "Biz bu şirkətlərdən təkliflər gözləyirik", - Axundov söyləyib.
Soyuducu və quru anbarların Bakının Nobel prospekti rayonunda tikilməsi planlaşdırılır.
Beynəxalq maliyyə institutları, islam şirkətləri, AİŞ tərəfindən İslam Korporasiyası ilə birgə yaradılmış Xəzər Beynəlxalq İnvestisiya Şirkəti bu layihəyə böyük maraq göstərir. Bundan əlavə. Beynəlxalq Maliyyə Korporasiyası, Küveyt Maliyyə Evi də layihə ilə maraqlanıb.
Mütəxəssislərin qiymətləndirmələrinə görə, bu soyuducu qurğular ən müasir avadanlıqla təhciz ediləcək və kifayət qədər qənaətli rejimdə işləyə biləcəklər.
Bu anbarların əsas istifadəçiləri istehsalçılar və ixrac-idxal əməliyyatlarının subyektləri olacaqlar. Gələcəkdə ölkənin regionlarında analoji, lakin yalnız kənd təsərrüfatı məhsullarının saxlanılması üçün nəzərdə tutulmuş anbarların yaradılması nəzərdə tutulur.
AİŞ 2007-ci il iyunun 29-da "Asnaf Sənaye Şirkəti" ilə quru yüklər üçün anbar tikintisi istiqamətində əməkdaşlıq niyyəti haqqında Memorandum imzalayıb.