Azərbaycan, Bakı, 07 aprel / Trend / Yanvar-fevral aylarında Naxçıvan Muxtar Respublikasında (NMR) nəqliyyat müəssisələri və fiziki şəxslər tərəfindən 1060 min ton yük və 7253,8 min sərnişin daşınıb. Bu barədə NMR-in Bakıdakı daimi nümayəndəliyindən məlumat verilib. 2007-ci il ilə müqayisədə yük daşımada artım 12,2 faiz, sərnişin daşımada isə 4,3 faiz təşkil edib.
Yanvarda NMR-in nəqliyyat müəssisələrində 3118 işçi məşğul olub ki, bu da 2007-ci ilin analoji dövr göstəricisindən 0,6 faiz çoxdur. Hər işçinin aylıq əmək haqqı 10,8 faiz artaraq 175,3 manat təşkil edib.
Dövlət Statistika Komitəsinin məlumatına görə, yanvar-fevral aylarında Azərbaycanın nəqliyyat sahəsi ilə 26,8 mln. ton müxtəlif yük daşınıb ki, bu da 2007-ci ilin həmin ayları ilə müqayisədə 14,3 faiz çoxdur. Yanvar-fevral aylarında sərnişin nəqliyyatı ilə 186,1 mln. nəfər daşınıb ki, bu da əvvəlki göstəricidən 6,7 faiz çoxdur.
