Azərbaycan, Bakı, 08 aprel / Trend , müxbir İ.Xəlilova/ Azərbaycanın Milli Bankı (AMB) ötən ilə nisbətən 2008-ci ildə ölkənin bank sektorunun artım templərinin azalmasını gözləyir. Lakin bu, iqtisadiyyatın maliyyə xidmətləri ilə tam əhatə olunmaması demək deyil. Bu barədə "Banklar və maliyyələr" V Xəzər Beynəlxalq Konfrans və sərgisində iştirak edən Milli Bankın idarə heyətinin sədr müavini Rüfət Aslanlı bildirib.
"AMB-nın siyasəti artımın daha çox inkişaf və daha az risk gətirməsindən ibarətdir" - deyə Aslanlı bildirib.
Onun sözlərinə görə,Azərbaycanın bank sistemi dinamik inkişaf altındadır və yerli bazar üçün maliyyə alətlərinin tətbiqini davam etdirir. Bununla əlaqədar onların risklərin idarə edilməsi təcrübəsi hələ formalaşır, bu isə riskə həssaslığın artmasına gətirib çıxarır. Yüksək dinamika və xarici maliyyə bazarlarına fəal inteqrasiya səbəbindən bank göstəricilərinin stabil səviyyədə qalmasına baxmayaraq, xarici və daxili risklərə həssaslıq artır.
AMB bu prosesləri izləyir və uzunmüddətli və davamlı maliyyə stabilliyini təmin etmək üçün bank sektorunu düşünülmüş bazar münasibətlərinə çağırır. Ötən il Milli Bank ilə bank sektoru arasında müntəzəm olaraq dialoq aparılıb və dialoq bu il də davam etdirilir.
"Biz bazar payının artırılması və yüksəlməsinə yönəlmiş bank siyasətini, riskləri potensiala müvafiq idarə etməyə çağırırq", - deyə AMB-nın idarə heyətinin sədr müavini bildirib.
Milli Bank, öz növbəsində, kreditlər, girov təminatı və likvidliyin idarə olunması üzrə işləri təkmilləşdirmək məqsədi ilə prudensial nizamlama normalarını gücləndirir, banklarda isə hazırkı nəzarəti, əsasən, risklərin idarə olunması üzrə nəzarəti fokslaşdırır.
Bu tədbirlərlə əlaqədar AMB 2008-ci ildə bank göstəriciləri üzrə artım tempinin azalmasını gözləyir.
Azərbaycanın bank sektoru 2007-ci ildə fəal xarici kredit və ölkəyə səhmdar kapitalının cəlb edilməsi nəticəsində, son dörd il ərzində ən yüksək inkişaf tempinə çatıb.
İl ərzində bank aktivləri 72 faiz, öhdəliklər 59 faiz, o cümlədən depozitlər 48 faiz artıb.
Belə artım tempi aparıcı bank göstəricilərinin artması nəticəsinədə mümkün olub. Belə ki, artım tempi sistem üzrə orta göstəricini iki dəfə üstələyir.
Ümumi bank aktivləri 2008-ci ilin yanvarın 1-nə olan məlumata görə, 6725,7 mln. manat, kredit yatırımları 4553,7 mln. manat, əhali əmanətləri 1 468,4 mln. manat, bankların ümumi kapitalı isə, 1009,1 mln. manat təşkil edib.
Müəlliflə əlaqə saxlamaq üçün elektron ünvan: capital