Azərbaycan, Bakı,19 aprel / Trend , müxbir İ.Xəlilova /Azərbaycan Mikromaliyyələşdirmə Bankının (AMMB) Baş Səhmdarlar Assambleyası bankın nizamnamə kapitalını 9 mln. manat olmaqla 20 mln. manatadək və məcmu kapitalını isə 33 mln. manatadək artırmaq qərarına gəlb. Bu artım AMMB-i Azərbaycan banklarının ilk onluğuna daxil edəcək.
Kapitalın artırılması iştirak payına müvafiq olaraq fəaliyyətdə olan səhmdarların hesabına gerçəkləşdiriləcək. Bankın səhmdarlar strukturu gəyişməz olaraq qalıb: Avropa Yenidənqurma və İnkişaf Bankı - 20 faiz, Beynəlxalq Maliyyə Korporasiyası - 20 faiz, Qara Dəniz Ticarət və İnkişaf Bankı - 20 faiz, Almaniya İnkişaf Bankı (KfW Development Bank) - 20 faiz, "AccessHolding" - 16,53 faiz və Almaniyanın "LFS Financial Systems GmbH" şirkəti - 3,47faiz.
Nizamnamə kapitalının artırılması AMMB-nin uğurlu və sürətli artımı ilə əsaslandırılır və bu artırılma bankın gələcək inkişafına səmərəli təkan olacaq.
"Səhmdarlar AMMB-nin Azərbaycan mikro və kiçik biznesinin maliyyələşməsində, iqtisadiyyatın diversifikasiyasında və yeni iş yerlərinin yaradılmasında aparıcı rolunu qəbul edirlər. Kapitalın artırılması bankın Azərbaycan iqtisadiyyatının inkişafında mühüm roluna səhmdarların əmin olduğunu göstərir" - deyə Nəzarət Şurasının sədri Maykl Yainsiq bildirib.
2008-ci ilin aprel ayının əvvəlinə olan məlumatlara görə, AMMB-nin kredit portfeli ümumi məbləği 140 mln. dollar olan 55 000 krediti ötüb. Beş illik fəaliyyət dövründə bank tərəfindən ümumi dəyəri 335 mln. dollar olan 120 min kredit verilib. Bununla bərabər kreditin orta həcmi 2800 dolları üstələyir. Bankın ümumi aktivləri 160 mln. dolları keçir.
Apreln 19-na olan rəsmi məzənnə 0,8289 AZN/USD