Azərbaycan, Bakı, 23 aprel/ Trend ? müxbir İ.Xəlilova/ Azərbaycanın Əmanətlərin Sığortalanması Fondu (ADİF) fondun tərəfindən qorunan depozit portfelinin həcmini 1 277, 49 mln. manatadək artırıb. Bu barədə çərşənbə günü fonddan məlumat veriblər. Bu, ADİF-in 37 üzvündən 2008-ci ilin I rübü üzrə təqvim ödəmələrinin toplanılmasının başa çatdırılması ilə əlaqədardır.
Ötən ilin dördüncü rübü ilə müqayisədə 2008-ci ilin birinci rübündə fiziki şəxslərin üzv banklarda olan əmanətləri 13%, qorunmayan əmanətlər 14%, qorunan əmanətlər isə 13% artıb.
Beləliklə, qorunmayan əmanətlər 192 mln. 418 min manatdan 220,3 mln. manatadək, fond vasitəsilə qorunan əmanətlər isə 1 mlrd. 134 mln. 931 min manatdan 1 277,49 manatadək artıb. Birinci rübdə fiziki şəxslərin üzv banklardakı əmanət portfeli 1 327,349 mln. manatdan 1 497,79 mln. manatadək artıb.
Birinci rübün yekunları üzrə fonda 841 min manat, 1 mln. 94 min ABŞ dolları, 130 min avro təqvim haqları ödənilib.
Bankların Sığorta Fondunun reyestrinə daxil olarkən ödədikləri birdəfəlik üzvlük haqqı (10 min manat) nəzərə alınmaqla, daxilolmaların ümumi həcmi 5 549 min manat təşkil edir.
Qorunan əmanətçilərin sayı ötən rüb 1mln. 85 min 572 nəfər olub. Bu gün isə bu rəqəm 4% artaraq 1 mln.124 min 804 nəfərə çatıb.
Fond 2007-ci il avqustun 13-də fəaliyyətə başlayıb. 2008-ci ilin əvvəlindən o, maksimal sığorta edilən məbləği 6 min manatadək artırıb, 2010-cu il yanvarın 1-dən isə bu məbləğ 8 min manatadək artacaq. Əmanətlərin sığortası haqqında Qanuna əsasən, 2008-ci il yanvarın 1-dək 4 min manatadək olan əmanətlər fond tərəfindən tamamilə qorunurdu.
Bununla yanaşı, faiz dərəcələri AMB-nin uçot dərəcəsini (bu gün 13 faiz) 1,8 faiz ötən əmanətlər qorunmayacaq. Başqa sözlə, sığorta edilən əmanət üzrə faiz dərəcəsi 23,4 faizədək ola bilər. Banklar belə əmanəti qəbul edərkən, müştərini Sığorta Fondu tərəfindən qorunmanın olmaması barədə xəbərdar etməlidirlər.
Müəlliflə əlaqə saxlamaq üçün elektron ünvan: [email protected]
