Azərbaycan, Bakı, 28 aprel/ Trend , müxbir İ.Xəlilova/Azərbaycanın Xarici İşlər Nazirliyi Azərbaycan Bankları Assosiasiyasının dəstəyi ilə Bakıda "GUAM-ın inkişaf strategiyası" konfransını təşkil edir. Bu barədə bazar ertəsi Assosiasiyanın icraçı direktoru Fərhad Əliyev məlumat verib.
Onun sözlərinə görə, hazırda tədbirin gündəliyi müzakirə edilir. Lakin ilkin məlumatlara görə, GUAM çərçivəsində inteqrasiya, iqtisadi proseslərin stimullaşdırılması üçün bank assosiasiyalarının əməkdaşlığı məsələləri nəzərdən keçiriləcək.
GUAM formatı 1999-cu ildə Avropa İttifaqı dövlət başçılarının Strasburq görüşü ərəfəsində yaradılıb. 1999-cu ildə bu formata Özbəkistan da daxil olsa da, dörd ildən sonra təşkilatı tərk edib. 2006-cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf uğrunda təşkilat - GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan: [email protected]
