Azərbaycan, Bakı, 29 aprel / Trend , müxbir E.İsmayılov/ Mayın 10-dək Bakı metropoliteninin rəhbərliyi hər biri beş vaqondan ibarət iki yeni qatarın istismara verilməsini planlaşdırır. Bu barədə çərşənbə axşamı Bakı metropoliteninin baş mühəndisi Elbrus Muradov bildirib.
"Yeni vaqonlar artıq dünən Moskvadan göndərilib, Bakıya çatandan sonra onlar texniki baxışdan keçiriləcək və mayın 10-da onların xəttə buraxılması planlaşdırılır"- deyə Muradov bildirib.
Yeni vaqonların tədarükü üç mərhələdə həyata keçiriləcək. İkinci mərhələdə 10 vaqon noyabr ayında, qalan 16 vaqon isə dekabr ayında çatdırılacaq.
Tədarük Rusiyanın "Metrovaqonmaş" ASC ilə ("Transmaşholdinq" QSC-nin tərkibinə baxildir) ötən ay imzalanan müqavilə çərçivəsində həyata keçiriləcək. Müqaviləyə əsasən, 81-717.5B və 81-714.5B modelli metro vaqonları tədarük olunacaq ( 14 əsas və müvafiq olaraq 22 aralıq ).
Azərbaycana metro vaqonlarının son tədarükü 2007-ci ildə həyata keçirilib. O vaxt metropolitenə 25 vaqon çatdırılıb.
"Metrovaqonmaş" ASC (əvvəllər Mıtişin zavodu) Bakı metropoliteni üçün artıq 30 ildir Ki, dəmir yolu vasitələri tədarük edir. Moskvaətrafı müəssisədə istehsal olunan vaqonlar metropoliten parkının 80 faizini təşkil edir.