Azərbaycan, Bakı, 02 may / Trend , müxbir U.İsmayılova/ Azərbaycanın İqtisadi İnkişaf Nazirliyi nəzdində istehlak bazarına nəzarət üzrə Dövlət Xidməti tikinti materialları bazarında monitorinqə başlayıb. Bu barədə cümə günü Dövlət Xidmətinin rəhbəri Xaliq Məmmədov bildirib.
"Monitorinq təkcə tikinti materiallarının keyfiyyəti üzrə deyil, qiymətlərin nizamlanması üzrə də həyata keçirilir", - deyə Məmmədov bildirib.
Məmmədov vurğulayıb ki, monitorinq həm yerli istehsal malları, həm də idxal olunan materiallar arasında aparılacaq.
"Dövlət Xidməti tikinti materialları bazarı iştirakçılarından təkcə keyfiyyətə riayət etməyi deyil, həm də bahalı tikinti marteriallarına görə zəmanət tələb edir", - deyə Məmmədov bildirib.
"Əmlak bazarı iştirakçıları" İctimai Birliyinin məlumatına görə, mart ayında tikinti materiallarının qiyməti fevral ayına nisbətdə 0,6 faiz bahalaşıb.
Müəlliflə əlaqə saxlamaq üçün elektron ünvan : [email protected]
