Azərbaycan, Bakı, 08 may/ Trend , müxbir Ü.İsmayılova/ Azərbaycanın Azərbaycanın Daşınmaz Əmlakın Dövlət Reyestri Xidməti "vahid pəncərə" sisteminə keçmək niyyətindədir. Bu barədə cümə axşamı Dövlət Xidmətinin rəhbəri Arif Qaraşov məlumat verib.
"Dövlət Xidməti metodları sürətləndirmək və daşınmaz əmlakın qeydiyyat müddətini azaltmaq niyyətindədir", - Qaraşov bildirib.
Qaraşovun sözlərinə görə, Dövlət Xidməti artıq Dünya Bankı ilə layihə çərçivəsində, qeydiyyat sisteminin təkmilləşdirilməsi üzrə tədbirlər görməyə başlayıb.
Bundan əlavə, Azərbaycan hökuməti və Dünya Bankı (DB) 2007-ci ilin iyulunda daşınmaz əmlakın vahid kadastrı sisteminin birgə tətbiqi haqqında saziş imzalayıblar.
Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkməsi və torpaq kadastrı; treninqlər, siyasətin və layihənin idarə edilməsinin formalaşdırılması. Layihənin dəyəri $38,57 mln.-dır və bunun $30 mln.-u DB-nin kreditinin payına düşür. Kredit ehtiyatları 5 il güzəştli dövr olmaqla, 20 il müddətinə ayrılıb.
Qaraşovun sözlərinə görə, Dövlət Xidməti layihə çərçivəsində artıq daşınmaz əmlakın avtomatlaşdırılmış reyestri sisteminə keçidə başlayıb.
Dövlət Xidmətinin fəaliyyətdə olan 20 dairə idarəsindən 13-ü daşınmaz əmlakın qeydiyyatı üçün avtomatlaşdırılmış sənədlər qəbul edir. Azərbaycanda daşınmaz əmlakın elektron kadastı sisteminə tam keşçid 2011-ci ilə reallaşdırılacaq.
Qaraşov bildirib ki, daşınmaz əmlakın ilkin qeydiyyatı üçün 4 əsas sənəd lazımdır:
- Sahənin statusunu göstərən sənəd;
- Tikinti layihəsi;
- Layihənin dövlət qəbul komissiyası tərəfindən təsdiqi,
- Ailə üzvlərinin qeydi
"Azərbaycandakı tikililərin təqribən 85 faizi artıq Daşınmaz Əmlakın Dövlət Reyestri Xidmətində qeydiyyatdan keçirilib", - Qaraşov bildirib.
Müəlliflə əlaqə saxlamaq üçün elektron ünvan: [email protected]
