Azərbaycan, Bakı, 20 may/ Trend , müxbir İ.Xəlilova/ Azərbaycanın biznes-nümayəndə heyəti işgüzar əlaqələrin qurulması, həmçinin Çelyabinsk Traktor Zavodunun 75 illiyinə həsr olunmuş bayram mərasimində iştirak etmək üçün mayın 26-da Çelyabinsk əyalətinə yola düşür. Bu barədə çərşənbə axşamı RF-nin Azərbaycandakı ticarət nümayəndəsi Yuri Şedrin məlumat verib.
Şedrinin sözlərinə görə, Azərbaycan Rusiyada əsas traktor istehsalçısı olan, sənaye traktorları və onların mühərriklərinin hazırlanması üzrə bu iri maşınqayırma şirkəti ilə artıq əməkdaşlıq yaradıb. Lakin onun rəyinə görə, bu ikitərəfli ticari-iqtisadi münasibətlərin inkişafı üçün kifayət deyil.
Ötən ilin yekunlarına görə, əyalətlə xarici ticarət dövriyyəsi 2006-cı ilin analoji dövrü ilə müqayisədə iki dəfə artaraq $70 mln. təşkil edib. Ticarət dövriyyəsində Azərbaycanın ixrac payına $600 min düşür.
"Çelyabinsk əyaləti ilə ticarət dövriyyəsi hələ ki, birtərəfli qaydada inkişaf edir. Lakin artıq bu ildən vəziyyətin dəyişəcəyi gözlənilir", - ticarət nümayəndəsi bildirib.
Bu, yalnız Çelyabinsk əyalətinin deyil, həm də bütün Ural Federal Dairəsinin tezyetişən meyvə-tərəvəz, şərab məhsulları ilə təmin edilməsi nəticəsində baş verəcək.
"Uralvaqonzavod" rəhbərliyinin 2006-cı ilin sentyabrında Bakıya səfəri zamanı qatarların və digər texnikanın tədarükü, əsaslı təmirinin aparılması üzrə tenderlərdə iştiraka dair razılıq əldə olunub. Güman edilir ki, texnikanın əvəzinə Ural zavodunun tabeliyində olan 140 uşaq bağçası üçün Azərbaycandan meyvə-tərəvəz məhsulları tədarük edilə bilər. Bundan əlavə, Azərbaycana fəal şəkildə meşə və kənd təsərrüfatı məhsulları ixrac edən Kurqan əyalətinin işgüzar dairələrinin nümayəndələri də Azərbaycandan şərab məhsullarının tədarükündə maraqlıdırlar.
Bu il Ural Federal Dairəsi ilə ticarət dövriyyəsinin bir neçə dəfə artacağı gözlənilir. Bu təqribən $300 mln. təşkil edə bilər. 2006-cı ildə bu rəqəm $110 mln. olub. 2006-cı ildə imzalanan ticari-iqtisadi əməkdaşlıq haqqında saziş bunun üçün stimul kim çıxış edir.
Mayın 20-nə olan rəsmi məzənnə 0,8262 AZN/USD.
Müəlliflə əlaqə saxlamaq üçün elektron ünvan: [email protected]
.