Azərbaycan, Lənkəran, 23 may / Trend , müxbir P.Əliyeva/ Cari ildə Azərbaycanın Cəlilabad rayonunda kartof istehsalı 113 min ton həcmində proqnozlaşdırılır. Bu, ötən ilin göstəricisi ilə müqayisədə 6 min ton çoxdur. Bu barədə Cəlilabad rayon İcra Hakimiyyəti rəhbərinin aqrar məsələlər üzrə müavini Nazim Səlimov bildirib.
Onun sözlərinə görə, rayonda artıq kartof yığımına başlanılıb və bu işlərə Cəlilabaddan 6 min, Biləsuvar, Masallı və Lənkərandan isə 1,5 min nəfər cəlb edilib. Rayonda kartof üzrə yaz əkini 4,5 min ha ərazidə həyata keçirilib ki, bu da ötən ilin göstəricisindən 50 ha çoxdur.
Səlimov bildirib ki, çətinlik kartof məhsulunun saxlanılması üçün bazanın (Yalnız 50 tonluq saxlama kamerası mövcuddur) olmaması ilə bağlı yaranır və bu günə qədər sahibkarlardan heç bir təklif daxil olmayıb.
