Azərbaycan, Bakı, 23 may/ Trend müxbir Ü.İsmayılova/ Mayın 26-da Bakıda Azərbaycan və Birləşmiş Ərəb Əmirlikləri sahibkarlarının biznes-forumu keçiriləcək. Bu barədə cümə günü Azərbaycan İxrac və İnvestisiyaların Təşviqi Fondundan (AZPROMO) məlumat veriblər.
AZPROMO-dan bildiriblər ki, ərəb nümayəndə heyətinə BƏƏ-nin xarici ticarət naziri
Şeyxə Lubnə bint Xalid Əl-Qasimi rəhbərlik edəcək. Ərəb nümayəndə heyətinin tərkibinə Ərəb Xarici Ticarət Nazirliyi, İqtisadiyyat Nazirliyi, Xarici İşlər Nazirliyi, Maliyyə Nazirliyi, Energetika Nazirliyi, Ərəb Əmirliyinin Ticarət Palatasının nümayəndələri daxil olacaqlar.
Forumda daşınmaz əmlak, sənaye, infrastruktur, nəqliyyat, ticarət, neft sahəsi, kənd təsərrüfatı, və səhiyyə kimi sahələrdən olan sahibkarlar iştirak edəcəklər.
Azərbaycan tərəfdən forumda iqtisadi inkişaf naziri Heydər Babayev iştirak edəcək.
Müəlliflə əlaqə saxlamaq üçün elektron ünvan: [email protected]