Azərbaycan, Bakı, 26 may / Trend , müxbir İ.Xəlilova/ Azərbaycanda ipoteka kreditləşməsi üzrə şərtlər bazar şərtlərinə yaxınlaşdırılacaq və kommersiya ipotekası üzrə faiz dərəcəsi Milli Bankın (MB) uçot dərəcəsindən az olmayacaq. Bu barədə bazar ertəsi kredit təşkilatlarının fəaliyyəti üzərində nəzarət Departamentinin direktor müavini Fətulla Ələkbərov məlumat verib.
Bu gün Milli Bankın uçot dərəcəsi 14 faiz təşkil edir. Bununla yanaşı, 2007-ci ilin yekunları üzrə inflyasiya 16,7 faiz, 2008-ci ilin yanvar-aprel ayları ərzində isə illik hesablamalarla 17,8 faiz təşkil edib.
"Lakin bu dəyişikliklər sosial ipotekaya aid edilməyib. Sosial ipoteka əvvəl olduğu kimi, illik 6-8 faiz səviyyəsində dövlət büdcəsi vəsaitləri hesabına güzəştli şərtlərlə veriləcək", - deyə Ələkbərov bildirib.
Milli Bank nəzdində fəaliyyət göstərən Azərbaycan İpoteka Fondu xətti ilə kreditləşmə cari ilin ikinci yarısından, hökumət tərəfindən ipoteka praktikasının kommersiyalaşdırılması üzrə təkliflərin qəbul edilməsindən sonra başlanacaq. Hazırda ipoteka kreditləşməsi çərçivəsində yenilənmə birinci növbəli vəzifədir və onların təsdiq edilməsindən sonra Maliyyə Nazirliyi 2008-ci il büdcəsində nəzərdə tutulan limit çərçivəsində MB nəzdində Azərbaycan İpoteka Fondunun maliyyələşməsini təmin edəcək.
Ölkədə ipoteka kretidləşməsi AİF standartları üzrə 2006-cı il martın 25-dən başlayıb. Fevralın 7-dən isə sosial ipoteka verilməyə başlayıb. Daha sonra ipoteka kreditlərinə olan tələbat büdcədən ayrılmış məbləği üstələyib və iyunun ortalarında AİF öz standartları üzrə ipoteka kreditləşiməsinin maliyyələşdirilməsini dayandırıb. Fond 2005-2007-ci illərin dövlət büdcələrindən 46 mln. manat əldə edib və 2008-ci ildə daha 34 mln. manat alınıb ki, bu məbləğin də artıq 10 mln. manatlıq birinci tranşı Fond tərəfindən banklara verilən kreditlərin yenidən maliyyələşdirilməsi üçün ayrılıb. AİF standartları üzrə kredit portfeli, 250-300 mln. manat məbləğində bankların ümumi ipoteka portfelləri ilə yanaşı 67,8 mln. manat təşkil edir.
Kommersiya banklarının 10 ildən 25 ilədək müddət ərzində kredit üzrə faiz dərəcələri
8 faiz ilə (AİF standartları üzrə) 18-20 faiz aralığında dəyişir.
Mayın 26-na olan rəsmi məzənnə 0,8225 AZN/USD təşkil edir.
Məqalə müəllifi ilə əlaqə ünvanı: [email protected]