Azərbaycan, Bakı, 26 may/ Trend müxbir İ.Xəlilova/ Azərbaycanda tikinti-əmanət bankları ilkin mərhələdə dövlət payının iştirakı ilə lakin sonradan özəlləşdirilməklə yaradıla bilər. Bu barədə bazar ertəsi Azərbaycan Milli Bankının kredit təşkilatlarının fəaliyyətinə nəzarət üzrə Departamentinin direktor müavini Fətulla Əsgərov məlumat verib.
"Hazırda biz ölkənin bank sektorunda dövlətin payını azaldırıq. Lakin, bu infrastrukturun yaranma mərhələsində o belə bank strukturunda müəyyən səhm paketi ilə çıxış edə bilər", - Ələkbərov qeyd edib.
Bununla yanaşı AMB nümayəndəsi xarici maliyyə institutları tərəfindən tikinti-əmanət bankının təsis edilməsi ehtimalını istisna etməyib.
Belə bankların yaradılması "Tikinti-əmanət bankları haqqında" qanun layihəsinin qəbulundan sonra mümkün olacaq. Qanun layihəsi hökumətin müzakirəsindədir. Ələkbərovun sözlərinə görə, onların hazırki bankların bazasında yaradılması nəzərdə tutulmur. Tikinti-əmanət bankları ayrıca institutlar kimi fəaliyyət göstərəcəklər.
Qanun layihəsinin hazırlanmasında AMB-ə alman Bundesbank-ının hüquqşünasları yardım göstəriblər.
Tikinti-əmanət bankları ipoteka və mənzil kreditləşməsinin sosial yönümlülüyünü təmin edəcəklər.
Mayın 26-a olan rəsmi məzənnə - 0,8225 AZN/USD.
Müəlliflə əlaqə saxlamaq üçün elektron ünvan: [email protected]