Azərbaycan, Bakı, 27 may / Trend , müxbir İ.Xəlilova/ Azərbaycanın Maliyyə Nazirliyi iyulun 1-dən sığorta şirkətləri kapitallarının artırılmasına dair yeni qrafiki açıqlayacaq. Bu barədə maliyyə nazirinin müavini Azər Bayramov bildirib.
Onun sözlərinə görə, şirkətlərin kapitallaşması mərhələli şəkildə, illik interval ilə həyata keçiriləcək.
"Sığorta şirkətlərinin maksimal kapital plankası üzrə yekun qərar hələ müzakirə olunacaq və artırılma 1 mln, 2 mln. və digər məbləğlərədək tədricən aparılacaq" - deyə nazir müavini qeyd edib.
Sığorta şirkətləri yeni qrafik üzrə 2009-cu il yanvarın 1-dən kapitallaşmaya başlayacaq. Bayramov hesab edir ki, bu şirkətlər üçün ilin əvvəlinədək kapitallarını 1 mln. dollara çatdırmaq çətin olmayacaq. Belə ki, fəaliyyətdə olan qrafik müvafiq olaraq sığortaçıların Nizamnamə kapitalına olan minimal tələb 2008-ci il yanvarın 1-i üçün 800 min manat təşkil edib.
"Sığorta fəaliyyəti barədə" yeni Qanuna müvafiq olaraq, sığorta şirkətlərinin Nizamnamə kapitallarına minimal tələbin müəyyən edilməsi üzrə səlahiyyət Nazirlər Kabinetindən Maliyyə Nazirliyinə keçib.
Sığorta şirkətlərinin Nizamnamə kapitalının artırılmasına dair mövcud Proqrama əsasən, 2010-cu ilə o 1 mln. manata çatdırılmalıdır. Banklara münasibətdə isə, məcmu kapitala qarşı tələblər irəli sürülürdü. 2007-ci il iyulun 1-nə onların məcmu kapitalı artıq 10 mln. manat təşkil edib.
Sığorta bazarı üçün birinci yerdə kapitallaşdırma məsələsi dayanır. Belə ki, normal kapitallaşma olmadan, bütün digər faktorlar xüsusi əhəmiyyət kəsb etmir. Kifayət qədər kapital olmadan şirkət inkişaf edə və müştərilərin etibarını qazana bilməz.
Şəxsi kapital sığorta şirkətini və təbii ki, onun müştərilərini bankrot olma ehtimalından müdafiə edən buferdir. Kifayət qədər kapitalın olması xidmət səviyyəsinin yaxşılaşdırılmasına kapital yatırmağa imkan verəcək. Praktika göstərir ki, kapitallaşma ilə bağlı problemləri olan şirkətlər üçün bir qayda olaraq sığorta əvəzini ödəmək çətin olur.
Kapitallaşma aşağı olduqda onlar üçün lisenziyalarının dayandırılması və ya ləğv edilməsi kimi hansısa sanksiyaların tətbiq edilməsi ilə bağlı böyük risk yaranır ki, bu da son nəticədə sığortaçıya təsir göstərir.
Mayın 27-ə olan rəsmi məzənnə 0,8218 AZN/USD təşkil edir.
Məqalə müəllifi ilə əlaqə ünvanı: [email protected]
