...

İİB qrupunun İdarəçilər Şurası 2010-cu ildə Bakıda iclas keçirəcək

Biznes və iqtisadiyyat xəbərləri Materials 30 May 2008 16:43 (UTC +04:00)

Azərbaycan, Bakı, 30 may/ Trend , müxbir İ.Xəlilova/ İyunun 3-4-də Ciddədə İslam İnkişaf Bankı (İİB) qrupu İdarəçilər Şurasının 33-cü illik iclası keçiriləcək. İclasda Azərbaycandan idarəçi kimi iqtisadi inkişaf naziri Heydər Babayev iştirak edəcək. Bu barədə cümə günü nazirlikdən məlumat veriblər.

İİB-ə üzv 56 ölkədən yüksək vəzifəli şəxslərin iştirak edəcəyi iclasda bankın qrupunda daxil olan strukturların illik hesabatı dinləniləcək və növbəti illər üçün fəaliyyət istiqamətləri müəyyən olunacaq.

Babayevin səfərinin gedişində İslam bankının rəhbərliyi ilə görüşlər keçirmək planlaşdırılır.

Növbəti illik iclas Türkmənistanda keçiriləcək. 2010-cu ildə baş tutacaq 35 iclasın isə, Bakıda keçirilməsi planlaşdırılıb.

Bu gün Azərbaycanın İİB ilə əməkdaşlığı 2008-10-cu illər üçün üç illik proqram çərçivəsində aparılır. Bank bu proqram çərçivəsində layihələrin maliyyələşdirilməsi üçün hər il $100 mln. ayıracaq.

Bankın Azərbaycan üzrə portfeli $300 mln.-a çatır. Bankın dövlət zəmanəti altında Azərbaycanda maliyyələşdirdiyi layihələrdən yalnız beşi kommersiya şərtləri əsasında olub və onların məbləği $141 mln. təşkil edib. Onlar Ələt-Qazıməmməd avtomobil yollarının, Mingəçevir elektrik stansiyası, Ucar-Yevlax yolunun və Xaçmaz yarımstansiyasının tikintisi layihələrinin reallaşdırılmasına yönəlib. Əvvəllər kommersiya kreditinin məbləği $20 mln.-a məhdudlaşırdı. Lakin, 2,5 il əvvəl bank tərəfindən bu həddin $100 mln.-dək artırılması barədə qərar qəbul edilib. Bununla əlaqədar, modul stansiyalarının tikintisi layihəsi nəzərdən keçirilib. Lakin Azərbaycan bu kreditdən imtina edib. Azərbaycan bu məbləğin ayrıldığı ilk ölkələrdən olub. 2007-ci ildə Mingəçevir elektrik stansiyasının tikintisinin ikinci fazasının reallaşdırılmasına $80 mln. ayrılıb.

Mayın 30-a olan rəsmi məzənə - 0,8248 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti