Azərbaycanın Dövlət Sığorta Nəzarəti aktuar işi inkişaf etdirmək niyyətindədir
Azərbaycan, Bakı, 04 iyun / Trend , müxbir U.İsmayılova/ Azərbaycanın Dövlət Sığorta Nəzarəti ölkədə aktuar işi inkişaf etdirmək niyyətindədir. Bu barədə Azərbaycan Maliyyə Nazirliyinin Dövlət Sığorta Nəzarəti (DSN) şöbəsinin müdiri Namiq Xəlilov bildirib.
Aktuariy ehtimal nəzəriyyəsi və riyazi statistika üzrə təsis edilən statistik informasiya və riyazi metodika əsasında sığorta tariflərinin həcmini və sığortaçının əminliyini qiymətləndirən mütəxəssisdir.
Xəlilovun sözlərinə görə, ölkənin sığorta bazarının inkişafı ilə əlaqədar DSN həmçinin aktuar işi də inkişaf etdirmək niyyətindədir. İyul ayından etibərən DSN aktuarlar üçün dörd mərhələdən ibarət xüsusi təhsil kurslarına başlayır. Kursların birinci mərhələsini kanadalı mütəxəssis Maykl Zi aparacaq.
Azərbaycanın iri sığorta şirkətlərindən biri olan MBASK-ın İdarə Heyətinin sədri Cəmil Məlikov hesab edir ki, aktuar işin inkişaf etdirilməsi əsasən peşəkar sığorta həyatı üçün mühümdür.
Məlikov hesab edir ki, həyatın sığortalanmasında aktuariy olduqca vacibdir. Çünki həyatın sığortalanması üçün sığortanın bu növünün ayrılmaz hissəsi olan ölüm sayı cədvəlinin hesablanması və tariflərin düzgün müəyyən edilməsi lazımdır.
Azərbaycanın sığorta bazarının akuarlar planında dünya proseslərindən bir qədər geri qalmasına baxmayaraq, bu sahənin tədricən inkişafı bazarın ümumi inkişafına və onun tədricən dünya standartlarına cavab verməsinə təsir göstərir.
"Pasa Sigorta" şirkətinin baş direktoru Nofəl Rzayevin fikrincə, peşəkar sığorta biznesi peşəkar anderrraytinq siyasəti, peşəkar təkrarsığorta strukturu, risklərin idarə edilməsi və peşəkar sığorta biznesinin mühüm olan şərtlərindən biri olan aktuar əməliyyat üzrə biznes-prosesinə əsaslanır.
"Şirkətdə aktuar iş həm həyatın sığortalanması, həm də digər sığortalar üçün mühümdür", - deyə Rzayev bildirib.
Rzayev hesab edir ki, aktuar işin peşəkar inkişafı üçün sadəcə olaraq riyaziyyat deyil, xüsusi təhsil də lazımdır.
Məqalə müəllifi ilə əlaqə ünvanı: [email protected]
