Azərbaycan, Bakı, 05 iyun/ Trend Cap , müxbir İ.Xəlilova/ Qara dəniz Ticarət və İnkişaf Bankının (QTİB) İdarəçilər Şurasının onuncu illik iclası iyunun 8 -9-na keçirilib. Lakin əvvəllər iclasın Sankt-Peterbuqrda iyunun 28-də keçirilməsi planlaşdırılırdı. Bu barədə cümə axşamı Azərbaycanın İqtisadi İnkişaf Nazirliyindən məlumat veriblər. İdarəçilərin görüşü ərəfəsində Bankın Direktorlar Şurasının toplantısı keçiriləcək. Toplantıda Azərbaycanla bağlı layihələrin təsdqilənəcəyi gözlənilmir.
Azərbaycandan iclasda bankda ölkənin idarəçisinin müavini maliyyə naziri Samir Şərifov və QTİB-də Azərbaycandan olan direktor iqtisadi inkişaf nazirinin müavini Mikayıl Cabbarov iştirak edəcəklər. Samir Şərifov İqtisadi Forumda iştirak etmək üçün artıq Sankt-Peterburqdadır.
Azərbaycan hökuməti iclasadək mövqeyini dəqiq müəyyən edə bilmədiyi halda, QTİB-in kapitalında qalan üç faiz azad səhmin əldə edilməsi üzrə qərarın elan edilməsi müddətini uzatmağı təklif etmək niyyətindədir. Cabbarovun əvvəllər bildirdiyinə görə, Azərbaycan üçün, ilk növbədə, bankda institusional iştirakı artırmaq mühümdür. Bu, QTİB kapitalında ölkənin iştirak payının beş faizədək artması nəticəsində mümkün ola bilər. İkincisi, Azərbaycanın Qara dəniz bankının maliyyə resurslarına çıxışı artacaq.
Bu gün Türkiyə, Rusiya və Yunanıstan hər biri 16,5 faiz, Bolqarıstan, Rumıniya və Ukrayna 13,5 faiz, Azərbaycan və Albaniya 2 faiz, Gürcüstan, Moldova və Ermənistan isə hər biri 1 faiz paketə malikdir.
Hökumətin bu qərarı Azərbaycanın payını dörd ölkənin birlikdə kapitallaşması səviyyəsinədək çatdırmağa imkan verəcək.
Hazırda Azərbaycan QTİB kapitalına 6 mln. SDR ödəyib. Bankın açıqlanan kapitalı bu gün 1 mlrd. SDR təşkil edir. Bunun 300 mln. SDR-i ödənilib. Lakin bankın 2008-ci ildən kapitalın ikiqat artırılmasına dair qərarı ilə əlaqədar, QTİB-ə üzv ölkələr artıq mayın 10-dək bu prosesə qoşulmalıdırlar və bu da İdarəçilər Şurasının müzakirə predmeti olacaq.
Hazırda bankın Azərbaycan üzrə portfeli $50 mln. təşkil edir ki, bu da QTİB-in məcmu portfelində 6,5 faizə çatır.
İdarəçilərin görüşündə QTİB-ə yeni üzvlərin cəlb edilməsi mümkünlüyü istisna edilmir. Bunun yalnız yeni ölkələrin deyil, həm də yüksək reytinqə malik maliyyə institutlarının üzvlüyə cəlb edilməsi ilə baş verəcəyi gözlənilir. Almaniyanın İnkişaf Bankı (KFW) müşahidəçi qismində qoşulub. Yanvar ayında səhmdarlar sırasına Serbiyanın qəbul edilməsi mümkünlüyünün nəzərdən keçirilməsi gözlənilirdi, lakin bu barədə hələlik bir qərar yoxdur.
Qara dəniz Bankında Azərbaycandan olan idarəçi iqtisadi inkişaf naziri Heydər Babayevdir.
Qara dəniz Ticarət və İnkişaf Bankı 1999-cu il iyunun 1-dən fəaliyyət göstərir.
İyunun 5-nə olan rəsmi məzənnə 0,8209 AZN/USD.
Müəlliflə əlaqə saxlamaq üçün elektron ünvan: cap
