Azərbaycan, Bakı, 09 iyun / Trend , müxbir U.İsmayılova/ Bakıda aprel ayı üzrə daşınmaz əmlak bazarı portfelinin 26,1 faizini şəhərin Yasamal rayonunda yerləşən tikililər təşkil edib. Bu haqda "MBA group" konsaltinq şirkəti məlumat verib.
Xətai rayonunda da portfel üzrə artım müşahidə olunub, bu da sözügedən rayonda olan mənzillərə tələbat və evlərin tikintisi üçün böyük sahələrin olması ilə əlaqədardır.
| Rayonlar | May, bir kvadrat metr üçün qiymət dollarla göstərilib | Aprelə nisbətdə artım faizlə |
| Əzizbəyov | 1112 | 0,2 |
| Binəqədi | 1630 | -1,0 |
| Qaradağ | 1449 | 0,3 |
| Yasamal | 1762 | 0,3 |
| Nizami | 1508 | 0,5 |
| Nərimanov | 1831 | -0,1 |
| Nəsimi | 1935 | -0,1 |
| Sabunçu | 1462 | -0,5 |
| Suraxanı | 1137 | -0,3 |
| Səbail | 2447 | 5,7 |
| Xətai | 1391 | -0,7 |
| Abşeron | 1082 | 4,0 |
Yanvar-mayda tikilən 1 otaqlı mənzillərin payı 12,4 faiz, 2 otaqlı - 30,1 faiz, 3 otaqlı - 41,5 faiz, çoxotaqlı mənzillər - 16 faiz təşkil edib. Mənzil sahələrinin orta göstəriciləri aşağıdaki kimidir: 1 otaqlı - 58,4 kvadrat metr, 2 otaqlı - 92,3 kvadrat metr, 3 otaqlı - 137,6 kvadrat metr, 4 otaqlı - 179 kvadrat metr, 5 otaqlı - 157,9 kvadrat metr.
Bu göstəricilər fonunda mənzil alqı-satqısı üzrə əməliyyatların sayı aprel ayına nisbətdə 1,5 faiz artıb, risk dərəcəsi 2,3 faiz azalıb.
Ümimi cədvəl mayda otaq göstəricilərinə görə qiymət artımını göstərir:
| Rayonlar | May, bir kvadrat metr üçün qiymət dollarla göstərilib | Aprelə nisbətdə artım faizlə |
| Əzizbəyov | 1112 | 0,2 |
| Binəqədi | 1630 | -1,0 |
| Qaradağ | 1449 | 0,3 |
| Yasamal | 1762 | 0,3 |
| Nizami | 1508 | 0,5 |
| Nərimanov | 1831 | -0,1 |
| Nəsimi | 1935 | -0,1 |
| Sabunçu | 1462 | -0,5 |
| Suraxanı | 1137 | -0,3 |
| Səbail | 2447 | 5,7 |
| Xətai | 1391 | -0,7 |
| Abşeron | 1082 | 4,0 |
| Bir kvadrat metr üçün mənzilin qiymətləri / dollarla göstərilib | ||
| Otaqlar | May | Artım faizlə (%) |
| 1 otaqlı | 1899 | 0,1 |
| 2 otaqlı | 1844 | 0,2 |
| 3 otaqlı | 1824 | 0,2 |
| 4 otaqlı | 1785 | -0,2 |
| 5 otaqlı | 1612 | -0,1 |
Mayda Bakının torpaq bazarında 1 sotun orta qiyməti $5021, il ərzində artım 4,8 faiz təşkil edib.
Mayda mənzillərin kirayəsi üzrə bazarda 5,2 faiz artım müşahidə olunub, bu da ödənişlərin manata keçməsi ilə əlaqədardır (əvvəllər ödənişlər dollarla aparılırdı).
Mayda Bakıda şəxsi evlərin orta qiymətləri aprel ayına nisbətdə 0,4 faiz artaraq $237177 və ya bir kvadrat metr üçün $1242 təşkil edib.
Kommersiya obyektləri bazarında təklif olunan və real qiymət arasında fərq 5,4 faiz təşkil edib. Ekspertlər alıcılıq qabiliyyətinin azalması ilə bağlı belə bir fərqi təkliflərin tələbatı 2,2 faiz üstələməsi ilə izah edirlər.
Müəlliflə əlaqə saxlamaq üçün elektron ünvan: [email protected]
